楊玉梅仲扮埋性感小野貓出現。夏蕙B話今次係自己第一次擔正嘅演唱會，所以好驚，佢話5場既嘉賓加埋有過百藝人，碌盡人情咭，夏蕙B今次會首度同囡囡黃詠倫同台演出外，譚炳文同佢千金亦會一齊演出，夏蕙BB嘅囡囡仲係加大拿小姐冠軍添，至於神秘嘉賓就係黑妹同埋Joe Junior。
夏蕙B之前透露會喺個唱跳鋼管舞，今日佢話六位數字嘅鑽石Deep V舞衣已經準備好，自己會盡量性感，唔怕走光，問佢要唔要為舞衣減肥？佢話呢排壓力大已瘦左10幾磅，所以唔使減肥。魯芬BB今次演出外，仲會幫手做埋舞台監製，佢笑言自己係打雜，講到夏蕙B跳鋼管舞？佢笑話：「幾得意呀，我都要睇下有咩驚喜，或者亂咁舞。」魯芬話之前喺電影《黑色喜劇》都有跳鋼管舞，所以今次唔會跳，會留番喺自己既演唱會先獻技喎
