超低能特攻隊 (Superhero Movie)
故事簡介： 《搞乜鬼奪命雜作》幕後搞手再發功！今次落足笑料惡搞黐蛛俠等超級英雄電影經典場面，保証笑料賤絕全城！ 騎呢「毒男」細力係天煞孤星，仲係逢女見到都O晒咀兼潛埋水極品。點知一次參觀實驗室，竟然改變佢一生！細力俾隻變種蜻蜓噬啖，從此由青頭仔變成青BB「青B俠」，雙手仲擁有超能吸力──尤其係對住一D波類物體黐力就更加勁。青B俠扮正義打救地球，順便學埋黐蛛俠倒吊同索女索吻，但佢又能否打低最叻屈機大壞蛋「沙漏王」？陸續出場仲有變懵特工同神經4俠齊齊搞鬼，誓要觀眾笑到噴飯！青B俠提提你：行得慢，有運行，因為壓軸仲有顛佬湯等賣飛佛騎星10分鐘漏網爆笑演出。
