《老表》終極結局 少山踎監 遇《監獄風雲》儍標(轉)《老表，你好嘢》聽日就大結局，唔捨得就一定0架喇，但噚晚睇到蔡芯同夢露老師母子相認飲鹹湯，仲有晴晴拖住蔡芯、向折墮潮潮呢幕，有冇令你又喊又笑呢？
聽晚《老表》大大結局，少山因為賣假藥、害到一潔(黃光亮)爭啲死。少山一定要為自己做過嘅嘢負責任啦———坐監，而阿珍(湯盈盈)亦因為少山咁樣為佢、終於心軟，肯等佢出冊重組三口之家
呢個結局大家都知，但少山喺獄中撞到邊個呢？就係——黃光亮﹗吓？黃光亮咩事搞到要坐監呀﹗
係就係黃光亮，但坐監嗰個，唔係一潔，而係儍標。好熟呢？《監獄風雲》嗰個呀。少山喺獄中撞儍標，仲話﹕「咦，點解咁熟面口嘅？」證明你有睇《監獄風雲》囉。
