Mandy Lieu同周汶錡喺君悅出席美容活動，Mandy話噚日喺台灣返，去為 《痞子英雄2》補戲一日，自己個部分終於煞青，農曆年會返馬來西亞一個星期過年。
講到喺新片《愛·尋·迷》出水芙蓉一幕露34C上圍挑戰利智，Mandy話：「佢係女神，咁講我會好開心，唔可以比，我自己睇自己唔係女神，只係見到自己起身個樣，佢身材好好，我都要努力保持身形同健康。」問佢覺唔覺得羅霖肉搏關楚耀重口味戲份較搶鏡？佢就話：「每個風格唔同，陶傑話我係玫瑰，羅霖係牡丹，好開心。」佢自己覺得玫瑰好危險，有刺會拮到手。對於以挑戰利智嘅34C對決羅霖不倒胸，Mandy話：「我嗰個會倒，佢犀利，keep得好。」
周汶錡會喺香港過大年初一，預備咗5位數利是，之後會去法國滑雪，中西情人節就會喺香港過，但老公唔重視慶祝：「佢話日日愛我就得，使乜情人節愛，食大餐、送花要同人逼。」講到會唔會生個馬B？佢就話會努力。問有冇叫細妹周麗淇喺新年帶男友徐正曦返屋企見家長？佢話有，但聽聞唔喺香港，未見過。會唔會催派利是？佢話：「一見面就催，嚇走人。」
羅霖已是三子之母，年屆48，但胸形依然咁靚，佢話:「生仔?陣因為每次都餵人奶到半歲，當時都升?兩、三cup，依家上圍比以前大?。」
48歲「美魔女」羅霖近日頻頻出動，宣傳新片《愛‧尋‧迷》，每次都以性感打扮驚艷現身，笑容滿面，態度一等一專業，其實有苦自知。同前夫劉坤銘辦離婚手續，向遭對方索每月五位數贍養費，令月花10萬撐起頭家?羅霖跌落人生谷底。
今日出版之周刊同羅霖作深情專訪，羅霖謂離婚官司令佢大受壓力，更因為咁而令佢持續失眠。一提到就快50喇，又經歷過感情重創，羅霖話，如果真係要再搵另一半，首要條件一定要養得起佢:「最理想係我唔使做?，佢養得起我，可以照顧到我同囝囝。」但講講下，羅霖都灰爆:「我年紀唔細，又係一個離過婚有三個仔?女人，連我自己都接受唔到自己個仔娶個離過婚?女仔，所以冇男人會要我，睇下我有冇咁?福氣，好唔好命。」
雖然年紀已不輕，但羅霖真係保養有道，佢更大方分享護胸之道，原來都離不開按摩二字。羅霖話每日洗完白白之後一定全身搽護膚lotion，每月定期做兩至三次人手推脂通淋巴。羅霖謂:「生仔?陣因為每次都餵人奶到半歲，當時都升?兩、三cup，依家上圍比以前大?，但年紀問題，加上地心吸力，所以都會做加強胸部結實運動，亦會每晚自己按摩。」
