被封為筍盤的無線小生馬國明昨日首次與緋聞新歡唐詩詠情侶檔亮相，出席活動，馬明更連續第3年成為代言人，他甫出場即被司儀小儀“占便宜”牽手，笑言想與他傳緋聞。
旁若無人咬耳朵
其后唐詩詠身穿黃色低胸裝上台，並獻唱《給我愛過的男孩們》，大會臨時安排馬明留在台上伴舞，見他情深款款望着唐詩詠，令女方心如鹿撞連入了歌也不知道，要音樂重新播放。期間馬國明圍着唐詩詠轉圈，又輕搭其香肩，之后更主動牽着幫她定驚。但甚為緊張的唐詩詠几乎全首歌都走音，猶如朗誦一樣！其后到抽獎環節，兩人又不時旁若無人咬耳朵，感情相當好。
馬國明與唐詩詠的緋聞愈傳愈盛，他明顯對女方嗒糖，每次提起對方都面紅甜笑，早前詩詠座駕被抄牌，他亦開腔力撐，而無綫亦樂得做順水人情「撮合」他們！當崔建邦仍為主持的《勁歌金曲》收視而頭痕時，無綫安排馬國明與詩詠食住緋聞條水出席活動搵真銀。昨日馬國明到荃灣與DSC德爾斯進行續約儀式，連續第三年做代言人，大會安排他與詩詠首次以情侶檔出席，明益馬國明，他亦趁機發動攻勢，攻陷芳心！期間他們不但公然打情罵俏，當面對馬國明雙目的「男神電擊」時，詩詠更變得六神無主、方寸大亂！
谷胸大玩色誘
可能因為馬國明在場，詩詠罕有谷胸穿低胸裙上陣，當她獻唱《給我愛過的男孩們》時，大會突然要求馬國明伴舞，事前未有心理準備的詩詠即時「硬晒軚」，在男方的灼熱視線下竟完全忘記「入Key」，尷尬要求重播。第二次，她終於成功開腔唱歌，但馬國明卻有意無意間「整色整水」，時而情深對望，時而圍住伊人搭膊頭，搞到詩詠心神恍惚，全首歌唱到差不多完全走音，除了副歌外，更猶如讀白。雖然詩詠忘記「入Key」，但唱歌時卻不忘與馬國明「咬耳仔」，而馬國明亦隨即捉緊她的手予以鼓勵。
獻「第一次」鬧花心
事後詩詠直認緊張，更撒嬌指失準是馬國明所賜：「有啲緊張，馬國明係咁望住我！係第一次對住男仔唱歌！（冇對崔建邦唱過？）總之係第一次！」問到是否特別揀情歌唱給馬明聽？她否認，並指未有特意安排。雖然緋聞女友唱到鬼哭神嚎，但在馬國明耳中卻猶如甘露，問到女方表演值幾分？他激讚說：「好高分！好聽呀！」對於以緋聞情侶檔現身，他說：「坦白講情侶檔價錢高啲，次次同唔同女仔傳，客戶都鍾意。」詩詠聞言即插嘴：「乜你咁花心！」馬國明為怕得罪心中女神即時解釋：「搵錢啫！」
訪問期間，他們大耍花槍，問到馬國明會否憑代言身份送傢俬及電器冧女？他說：「女仔唔鍾意呢啲，要鑽石先得，不過佢最近屋企裝修，可能有用。」詩詠即時冧爆：「買時帶埋你去！」不過，問到崔建邦主持的《勁歌金曲》收視低迷時，她不忘力撐：「長青節目嚟，要多啲新意思，依家開始多啲歌手嚟，唔擔心。」看來馬國明要奪「詠」成功，仍要多加努力。
