記者：鄭文輝
蔡寶健（33歲），洋名Anthony，現為BannerSHOP主席，來自教書家庭，父母均是教師，蔡曾在澳洲留學，後來回港發展。蔡妻張桉瑩（Annie），是美國（華盛頓州）執業會計師，外父張偉球太平紳士為本港著名會計師。
蔡與妻子居住何文田，育有一對子女。記者昨致電蔡查問事件，他只稱：「身體唔舒服，不便回應。」
女友人圖阻影相 警長喝止
昨凌晨2時許，蔡在中環蘭桂坊消遣後，駕駛剛落地兩個月、價值逾400萬元的法拉利紅色跑車，載着著名司儀兼國際青年商會香港總會秘書長梁嘉恩（Yoee）離去，途至中環皇后大道中53號對開時，警方正設置路障展開代號「Quickchaser」打擊酒後駕駛行動，發現蔡車行車不穩，遂截停調查。
其間，蔡拒絕提供酒精呼氣測試，坐在路邊多次聲稱身體不適及腳痛，記者現場所見，穿得西裝骨骨的蔡，神情呆滯，梁則一度欲掩擋記者拍攝，即被港島總區交通部姓劉警長喝止：「小姐，香港有新聞自由！」其後，蔡妻駕駛另一林寶堅尼白色跑車到場，她又說：「唔該，可唔可以唔影相呢？」
蔡握着妻子的手說：「我𠵱家好凍，你睇吓我隻手。」、「我好大壓力……我胃又唔舒服。」警員即說：「有白車嚟帶你睇醫生。」惟蔡沒有理會，只顧飲水，未幾，梁嘉恩遞手機給劉警長聲稱：「律師同你講。」警長拒絕並表示：「警員執法唔使同律師講。」而蔡仍然不肯上救護車，現場有警員即說：「諗清楚自己係咪想叫白車先啦，打999，即係濫用999，嚟到又唔上。」
其後，劉警長義正詞嚴對蔡妻說：「我喺記者面前講，影住都講，佢係犯人，我唔理佢係邊個。」並下令同袍：「使用武力，夾佢上車，起身……，冇理由俾你坐成晚。」另一警員又說：「白車2點58分嚟呢度，𠵱家3點34分……你𠵱家被拘捕。」
「一係上白車，一係上警車」
蔡則說：「我𠵱家真係抽筋。」又對救護員說：「你唔好搞我，你叫乜名？」他又着妻子幫她泊好其車，蔡妻無奈地說：「我平時冇揸開架車，我唔知點幫你入波（檔）。」蔡竟說：「唔使入波，齋踩油就Ok。」「山哥」見他仍無心上車，再次警告：「一係上白車，一係上警車，夾佢起身！」最後蔡被抬上擔架床，由救護車送院，事件擾攘約一小時，記者昨亦致電梁嘉恩手機欲查問，但她接聽後隨即掛線。
