蕭正楠昨日與黎耀祥及岑麗香出席某中藥品牌頒獎禮活動，他set了一頭凌亂髮型現身，刻意用頭髮遮蓋額前稀疏的部位，記者單刀直入問他可有植髮？蕭正楠起初不回應，但又一輪嘴表示：「我無植髮，男人的頭髮跟女人的手袋一樣，愈多愈好，之前拍劇要剃頭又唔夠瞓，尤其2012年拍《大太監》要做到癩痢效果，我用鬚刨剃完再用膠水黐，頭髮受損，所以比較弱，還好，依家仲夠用唔使擔心。」
蕭正楠稱醫生建議食藥或搽藥水兩個方案「救髮」，他選擇後者，問到會否抗拒植髮？他坦言視乎有否需要，但希望這一日不會出現：「你知男人最棹忌呢啲，但如果要剃頭拍劇我都會，因為『祥視帝』黎耀祥就係剃完再剃就做視帝。」
對有指其緋聞女友何傲芝因夜會羅仲謙，他氣憤下收回其座駕，蕭正楠強調對方是有需要才借用，現已歸還，他說：「我有時都會借車畀經理人同表弟用。」在女方父親破產期間收回座駕，會否擔心引起其他揣測？蕭正楠表示：「希望她和家人一切安好，兩姊妹畀心機工作幫爸爸。（會否出手相助？）幫唔到，我都很窮，我都想破產。」
至於黎耀祥嘴上的唇瘡仍未痊癒，他解釋因沒時間休息，抵抗力差所致：「今年行程排得好密，一劇接一劇。（生唇瘡咪無得同太太親熱？）我哋好斯文，唔似後生仔女咁激，加上好少親熱，呢啲係小問題。」而岑麗香自言正拍攝的劇集《無雙譜》是人生挑戰：「我試過講極『妖魔鬼怪』都講唔到，忟到我覺得自己係『妖魔鬼妹』﹗」
