其餘入選者，都係有型、有外表、有演技、有人氣、有才華嘅圈中型男，但眾入選者皆年屆30或40以上，可見香港缺乏年輕一輩紅星，斷層愈見嚴重。
16名入選候男神包括:
林雪
張國榮
吳彥祖
何韻詩(!!!)
謝霆鋒
張家輝
胡鴻鈞
吳鎮宇
周潤發
黃子華
陳冠希
陳展鵬
張耀揚
周國賢
馬國明
郭偉亮(定係Iron Man？)
投票為期3星期，由現時至3月8日。睇番暫時投票走勢，截至晚上7點為止，排第一嘅係黃子華，第二係張國榮，第三係削骨還父嘅胡鴻鈞。估唔到真係幾多人投胡鴻鈞，更有人索性二三位都唔投，只投one and only one 胡鴻鈞；何韻詩就排第六，緊隨發哥周潤發同吳彥祖之後。郭偉亮就排包尾。Iron Man都幫唔到佢。
火舞耀揚亦都有唔少人like，黃子華當然多人投。最鬼馬係有巴打個投票組合係:胡鴻鈞、何韻詩同林雪，有人即留言謂:「呢個巴打明玩嘢。」又真係喎，有投俾胡鴻鈞嘅，都有投埋俾何韻詩，有巴打表示:「純粹係想睇下何韻詩做高登男神。」不過胡鴻鈞同何韻詩都未有回應。
回顧上屆獲選冧把溫男神係馬國明，其次係鄭子誠、黃子華。上屆即首屆有20名候選者，今屆縮減至16人，相比兩屆今年被out走嘅有鄭子誠、范國威、梁國雄、苗僑偉、古天樂、張智霖、黃宗澤、方中信、廖偉雄、陳奕迅、黃秋生及周柏豪；至於新加入嘅係何韻詩、張家輝、胡鴻鈞、吳鎮宇、陳冠希、陳展鵬、張耀揚同郭偉亮。明顯今屆除咗縮減人數，易於計算之外，上屆有藝能界外以嘅候選者被角逐，今屆就清一色藝人玩晒，咁梗係啦，人哋睇娛樂版都係為咗雙眼舒服啲，避開唔睇政治嘢之嘛!
