薛凱琪拒談離巢原因
薛凱琪（Fiona）前晚與母親齊齊出席電影《低俗喜劇》首映禮，Fiona一到場，杜汶澤即表示要送「事業扇」給她，但她笑着拒絕並指自己不需要。
講到她不續約華納唱片，被指不飲水思源，Fiona直言件事來得好突然，她稱之前有續約的心態，才會舉行紅館演唱會，但後來公司有所變動，她也覺得件事好突然，她說：「我不是Well Planning去走，但原因是甚麼無需要講，我們合作了8年，分手大家都不想，公司個個都好錫我，會打電話約我食飯，我都希望快點公布新動向，演唱會反應好想開Part 2和出國語碟。(方大同話妳已有新安排？)他祝福我啫，其實都未定，只希望會快。(簽房祖名旗下公司？)暫時不想透露自己的想法。」文、圖：黃佩麗
由華納一手捧紅的薛凱琪（Fiona），突然傳出離巢的消息，Fiona昨日親口證實：「我同華納約滿咗，本來我口頭上答應繼續合作，但因一啲合作方式嘅變動，係好無奈。」她形容跟公司像情侶，但被迫分手：「華納係國際性公司，我知香港老闆都控制唔到，佢都盡咗力，雖然我哋分咗手，但我哋都好愛對方。」
她又謂不擔心被指飲水不思源：「我做任何嘢都對得住自己，我哋大家都知咩事，尊重大家我唔會講原因，呢啲係私事，好似同男朋友分手，我都唔會同人交代。」因難捨多年感情，她透露日前親筆寫心意卡給同事時，邊喊邊寫，她哽咽說：「佢哋好錫我，日前同佢哋搞歡送會，啲同事都喊。」而華納劉經理表示視Fiona如親生女：「開心睇住個女嫁咁，大家合作好愉快，留低好多美好回憶。」
入行八年的Fiona由華納唱片一手捧紅，上月初還圓她夢想，在紅館為她舉行首個演唱會，據本報收到消息，原來Fiona上月底已正式跟華納約滿，Fiona昨日親證已經離巢，她坦承去年底開始籌備個唱時，雙方已傾談續約問題，她一直都是諗住續約，甚至已經口頭答應，但當個唱籌備得如火如荼，突然出現變動。
她在電話中哽咽說：「係一啲合作方式嘅嘢，總之係大變動，華納係一間國際性公司，我明白唔係香港老闆可以控制到，佢都盡咗力，我哋就好似情侶咁，我都好唔想離開，但係被迫分手，我哋仲係好愛對方。」暫時她見不到有解決方法。
她指的變動是否關乎金錢問題？Fiona表示要尊重雙方協議，她不會透露，她說：「我唔會講咩問題，係私事，好似同男朋友分手我都唔會講原因。」跟公司一班同事共處八年，大家不但有深厚感情，對他們更是信任，她說：「我日前先同佢哋食飯歡送，我又寫卡、買禮物送畀佢哋，我一邊寫一邊喊。」
由公司一手栽培的Fiona可擔心被指不飲水思源？她說：「我做任何嘢對得住自己，我同公司都知咩事，呢個圈冇秘密，離開華納我覺得好可惜。」是否有多間公司向她招手？她說：「我啱啱完約唔想講呢啲，（離開已經係事實？）係離開咗，但大家仲有感情，我同同事都有喊，點解會喊，因為你真係愛佢先喊。」華納唱片劉經理坦言Fiona由出道湊到大，如今像看着女兒出嫁一樣，跟Fiona合作八年，大家留下很多美好回憶。
