椰青胸

屢惹事端的加拿大小天王Justin Bieber，上周四於洛杉磯家中向鄰居家投擲雞蛋，涉蓄意毁壞他人財產，導致對方有近兩萬美元（約15.5萬港元）的財物損毁。

美國時間周二早上，洛杉磯警方動員12名警務人員，到小Justin家中搜集證據，不過卻意外在他家中發現毒品，初步懷疑有可能是可卡因，要再經詳細檢驗才知道，不過警方稱毒品應與小Justin無關，小Justin雖一度被扣留，以便警方搜屋，但他於過程中表現合作，最後拘捕了小Justin的老友Li Za。

形象越嚟越差嘅Justin Bieber，醉駕、無牌駕駛、非法賽車及拒捕乜都做齊，日前仲流出一張同朋友喺夜店一臉享受地「咬」同「吸啜」同一個脫衣舞孃雙峰嘅相。

呢位被「吸」嘅脫衣舞孃近日俾網民起咗底，原來佢芳名叫Karolina，現年26歲。哇！真係唔講以為36歲...幾個月前佢喺芝加哥搬到去拉斯維加斯做嘢，一身典型脫衣舞孃身材，其胸部嘅湯碗程度應該係後天加工，腹部位置有「花花公子」兔仔LOGO紋身。

報道話當時Justin係欽點Karoline同另外2名脫衣舞孃，返佢酒店房做私人表演，Justin出手仲超闊綽，以上千元美金打賞俾每個人。不過表演之前，佢哋就必須簽訂保密協定，手機亦被沒收。最後點解仲有相流出？咁究竟係邊個影相呢？

而美國娛樂網站TMZ繼續爆料，早前小Justin因為食大麻而喺紐約一個機場被搜機兼扣留，話原來係因為佢「小學雞」心理作祟，明知自己會因為有案件在身而被搜機，故意於機艙內食大麻，更覺得「巧威威」。

另外，有空姐因不齒小Justin行為，及佢食大麻令機艙充斥大麻味，而指摘小Justin，不過卻換嚟被小Justin及其父親辱罵。